Diljá er komin með þrjú deildarmörk
Diljá Ýr Zomers heldur áfram að skora í belgísku úrvalsdeildinni en hún gerði fjórða mark Leuven í 5-0 stórsigri á Gent í kvöld.
Íslenska landsliðskonan var í byrjunarliði Leuven sem fór með þriggja marka forystu inn í hálfleikinn.
Hannah Eurlings skoraði eitt og lagði upp tvö áður en Leuven fékk vítaspyrnu snemma í síðari hálfleiknum.
Diljá fór á punktinn og setti boltann af öryggi efst í vinstra hornið. Þetta var þriðja deildarmark hennar á tímabilinu.
Leuven er á toppnum í deildinni með 19 stig eftir átta leiki.
Athugasemdir
