Hilmar Árni er að fara að snúa sér að þjálfun en hann mun taka við 4. flokki kvenna og 3. flokki karla hjá Stjörnunni en hann kveðst mjög spenntur fyrir því verkefni.

Hilmar, sem er fæddur árið 1992, er uppalinn í Leikni en hefur spilað með Stjörnunni frá 2016. Á þeim tíma sem hann hefur leikið með Stjörnunni, þá hefur hann verið einn besti leikmaður efstu deildar.

Hilmar Árni hefur alls spilað 428 KSÍ-leiki og skorað 144 mörk.

Daníel Laxdal, herra Stjarnan, mun einnig leggja skóna á hilluna eftir síðasta leik tímabilsins og Þórarinn Ingi Valdimarsson mun þá spila sinn síðasta leik fyrir Stjörnuna.