Celta 1 - 2 Real Madrid
0-1 Kylian Mbappe ('20 )
1-1 Williot Swedberg ('51 )
1-2 Vinicius Junior ('66 )
0-1 Kylian Mbappe ('20 )
1-1 Williot Swedberg ('51 )
1-2 Vinicius Junior ('66 )
Franski framherjinn Kylian Mbappe skoraði fyrra mark Real Madrid í 2-1 sigri liðsins á Celta Vigo í La Liga í kvöld.
Mbappe hefur mikið verið milli tannanna á fólki, bæði vegna frammistöðu hans og nauðgunarmáls í Svíþjóð. Franski blaðamaðurinn Romain Molina segir Madrídinga sjá eftir því að hafa fengið sóknarmaninn frá Paris Saint-Germain og að líkamlegt ástand hans sé ekki eðlilegt miðað við 25 ára gamlan leikmann.
Sóknarmaðurinn er greinilega staðráðinn í að afsanna þá kenningu en hann skoraði með stórglæsilegu skoti fyrir utan teig á 20. mínútu sem var sjötta deildarmark hans á tímabilinu.
Annars skapaði hann sér ekki mörg færi í leiknum og fékk 7,6 í einkunn á Fotmob.
Heimamenn fengu sín færi í leiknum og náðu að jafna metin á 51. mínútu er Williot Swedberg skoraði af stuttu færi eftir fyrirgjöf frá hægri.
Brasilíski vængmaðurinn Vinicius Junior, sem verður krýndur besti fótboltamaður heims á næstu dögum, gerði sigurmark Madrídinga þegar tæpur hálftími var eftir. Vinicius fékk sendingu inn fyrir, fór framhjá markverði Celta og lagði boltann í netið.
Sjötti deildarsigur Real Madrid staðreynd og liðið nú komið upp að hlið toppliðs Barcelona með 24 stig.
Q golazo de Mbappe, dsp d todo lo q ha pasado este parón de selecciones con él viene y hace esto pic.twitter.com/EXWLTB0atz
— Mioyii (@TostadoraSoy) October 19, 2024
Athugasemdir