Gunnlaugur Fannar Guðmundsson er búinn að skrifa undir samning við Keflavík sem gildir út næstu tvö keppnistímabil.
Gunnlaugur Fannar verður því áfram í herbúðum Keflvíkinga út tímabilið 2026 hið minnsta eftir að hafa leikið stórt hlutverk á nýliðnu tímabili þar sem hann tók þátt í 24 leikjum.
Gunnlaugur er fæddur 1994 og fór með Keflavík alla leið í úrslitaleik umspilsins um sæti í Bestu deildinni í haust, þar sem liðið tapaði þó að lokum gegn Aftureldingu á Laugardalsvelli.
Hann á 48 leiki að baki í efstu deild karla og hefur spilað fyrir Hauka, Víking R. og Kórdrengi á ferlinum - auk eins leiks með Fylki í Lengjubikarnum.
Athugasemdir