Fram kemur á vefmiðlinum Caught Offside að Crystal Palace leiði kapphlaupið um íslenska landsliðsmanninn Hákon Arnar Haraldsson.
Hákon Arnar var í síðustu viku orðaður við bæði Palace og Tottenham.
Bæði félög hafa verið með njósnara á leikjum Lille að fylgjast með honum.
Núna segir Caught Offside að Palace leiði kapphlaupið um Hákon en Palace hefur farið illa af stað í ensku úrvalsdeildinni og ekki enn tekist að vinna leik. Þetta er óvænt þar sem Palace endaði síðasta tímabil frábærlega.
Það væri auðvitað gríðarlega skemmtilegt að fá annan Íslending í ensku úrvalsdeildina en Hákon Rafn Valdimarsson er núna á mála hjá Brentford.
Athugasemdir