HK tóku á móti Fram í Kórnum í kvöld þegar næst síðustu umferð Bestu deildar karla lauk í kvöld.
Það stefndi allt í jafntefli í kvöld en þegar komið var rúmlega inn í uppbótartímann fundu HK sigurmark.
Lestu um leikinn: HK 2 - 1 Fram
„Nei það er rétt, þetta var geðveikt." Sagði hetja HK Þorsteinn Aron Antonsson aðspurður hvort að sigrarnir gerast nokkuð sætari en þetta.
HK fékk aukaspyrnu á sínum vallarhelmingi djúpt inn í uppbótartímanum sem Christoffer Petersen markvörður HK þrumar inn á teig og HK vann fyrsta bolta þar sem hann féll fyrir Þorstein Aron sem skoraði sigurmark HK í kvöld.
„Ég sá að Eiður [Gauti Sæbjörnsson] var að fara vinna þennan skallabolta þannig ég bara spretti af stað og fékk hann í lappir og kláraði."
Þetta er ekki í fyrsta skipti sem að Þorsteinn Aron Antonsson skorar sigurmark gegn Fram og hann væri alveg til í að mæta þeim í hverri viku.
„Ég væri alveg til í það. Þriðja sigurmarkið á þessu tímabili það er gegggjað."
Þessi sigur var gríðarlega mikilvægur fyrir HK en þeir jafna Vestar að stigum fyrir loka umferðina.
„Við erum aldrei hættir að trúa og þetta gefur okkur sjálfstraust inn í leikinn á móti KR."
Nánar er rætt við Þorstein Aron Antonsson í spilaranum hér fyrir ofan.
Lið | L | U | J | T | Mörk | mun | Stig |
---|---|---|---|---|---|---|---|
1. KA | 26 | 9 | 7 | 10 | 40 - 47 | -7 | 34 |
2. KR | 26 | 8 | 7 | 11 | 49 - 49 | 0 | 31 |
3. Fram | 26 | 8 | 6 | 12 | 37 - 45 | -8 | 30 |
4. Vestri | 26 | 6 | 7 | 13 | 31 - 50 | -19 | 25 |
5. HK | 26 | 7 | 4 | 15 | 34 - 64 | -30 | 25 |
6. Fylkir | 26 | 4 | 6 | 16 | 29 - 59 | -30 | 18 |