Davíð Kristján Ólafsson og félagar í Cracovia töpuðu fyrir Lech Poznan, 2-0, í pólsku úrvalsdeildinni í dag.
Blikinn er fastamaður í liði Cracovia og hefur verið að spila vængbakvörðinn þar.
Hann var í byrjunarliðinu í dag en honum var skipt af velli þegar hálftími var eftir.
Lech Poznan er á toppnum í pólsku deildinni með 28 stig en Cracovia í 4. sæti með 23 stig.
Hólmbert Aron Friðjónsson byrjaði þá sinn fyrsta leik með Preussen Münster er liðið gerði 1-1 jafntefli við Elversberg í þýsku B-deildinni.
Hann spilaði 53 mínútur í dag en Preussen Münster er í næst neðsta sæti með 6 stig.
Andri Lucas Guðjohnsen átti þá ágætis leik er Gent gerði markalaust jafntefli við Union SG í belgísku deildinni.
Framherjinn skapaði nokkur góð færi fyrir liðsfélaga sína á þeim 73 mínútum sem hann spilaði. Gent er í 3. sæti deildarinnar með 18 stig.
Athugasemdir