Albert Guðmundsson var á sínum stað í byrjunarliði Fiorentina sem heimsótti Lecce í efstu deild ítalska boltans, Serie A, í dag.
Albert þurfti að fara af velli eftir um sjö mínútna leik vegna meiðsla á nára. Óljóst er hvort um alvarleg meiðsli sé að ræða eða ekki og mun íslenski landsliðsmaðurinn gangast undir læknisskoðanir í dag og á morgun.
Fiorentina er þó að gera flotta hluti í fjarveru Alberts og leiðir 0-4 eftir tæpar 60 mínútur af venjulegum leiktíma, þar sem Danilo Cataldi og Andrea Colpani eru búnir að skora sitthvora tvennuna.
Albert meiddist í sumar og missti af sex fyrstu leikjum tímabilsins með Fiorentina en hefur síðan þá skorað þrjú mörk í fjórum leikjum með sínu nýja félagi.
Athugasemdir