Juventus þurfti að senda frá sér yfirlýsingu í dag eftir að félagið tilkynnti um það á samfélagsmiðlum að Arda Guler væri búinn að semja við félagið.
Hakkarar tóku yfir enskumælandi aðgang félagsins á samfélagsmiðlinum X og tilkynntu þar að Guler væri búinn að semja Juventus.
Guler er samningsbundinn Real Madrid til 2029 og er ekki á förum neitt í náinni framtíð.
„Enskumælandi reikningur Juventus var hakkaður. Vinsamlegast hundsið þessar fölsku upplýsingar. Við erum að vinna að því að laga vandamálið," segir í yfirlýsingu félagsins en Guler, sem er einn efnilegasti leikmaður í heimi, er vissulega ekki á leið til Juventus.
Athugasemdir