Antoine Semenyo, sóknarmaður Bournemouth á Englandi, er eftirsóttur en félagið ætlast til þess að fá að minnsta kosti 50 milljónir punda fyrir leikmanninn.
Semenyo er 24 ára gamall og uppalinn í Bristol City en hann gekk í raðir Bournemouth á síðasta ári.
Á þessu tímabili hefur hann skorað þrjú deildarmörk og gefið eina stoðsendingu í sjö leikjum með Bournemouth.
Football Insider segir mörg félög á eftir Semenyo, en Arsenal, Newcastle United og Tottenham eru öll sögð íhuga að leggja fram tilboð í kappann.
Bournemouth mun ekki sætta sig við minna en 50 milljónir punda fyrir Semenyo.
Ekki er talið ómögulegt að félagið leyfi honum að fara í janúarglugganum.
Athugasemdir