Fyrrum fótboltamaðurinn Raphael Varane hefur tekið sér sæti í stjórn ítalska félagsins Como en þetta er staðfest á heimasíðu félagsins.
Varane gekk í raðir Como í sumar eftir að hafa yfirgefið Manchester United.
Hann spilaði aðeins einn bikarleik með félaginu áður en hann tók ákvörðun um að leggja skóna á hilluna, aðeins 31 árs að aldri.
Á dögunum ræddi hann við franska blaðið L'Equipe og sagði þar frá því að hann ætlaði sér að vera áfram hjá Como, en í öðru hlutverki og hefur það hlutverk nú verið tilkynnt.
Varane mun taka sér sæti í stjórn Como en hann mun kom að þróun yngri leikmanna, fræðslu og nýsköpun hjá félaginu.
Como vann sér sæti í Seríu A á síðustu leiktíð en þjálfari liðsins er Cesc Fabregas. Liðið situr í 14. sæti deildarinnar með 9 stig eftir átta leiki.
Athugasemdir