Líklegast þykir að Szymon Marciniak frá Póllandi muni dæma úrslitaleikinn á HM í Katar.
Ef svo verður þá mun Marciniak verða fyrsti Pólverjinn til að dæma úrslitaleikinn á stærsta sviði heimsfótboltans.
Ef svo verður þá mun Marciniak verða fyrsti Pólverjinn til að dæma úrslitaleikinn á stærsta sviði heimsfótboltans.
Marciniak fékk ekki leik í undanúrslitunum og ekki í átta-liða úrslitunum heldur. Hann hefur dæmt tvo leiki á þessu móti og dæmt þá báða vel; hann dæmdi leik Danmerkur og Frakklands, og leik Argentínu og Ástralíu.
Marciniak er 41 árs gamall og hefur verið að dæma í 20 ár. Hann varð FIFA dómari fyrir ellefu árum síðan.
Marciniak hefur dæmt eftirminnilega leiki hjá Íslandi í gegnum tíðina. Hann dæmdi sigur okkar gegn Austurríki á EM 2016, sigur okkar liðs gegn Tyrklandi í undankeppninni fyrir HM í Rússlandi og svo jafnteflið gegn Argentínu á lokamótinu sjálfu.
Úrslitaleikurinn er á sunnudaginn og þar mætast Argentína og Frakkland.
Athugasemdir
