Mörg félög í Evrópu fylgjast grant með gangi mála hjá Hugo Larsson leikmanni Eintracht Frankfurt.
Arsenal, Liverpool og Tottenham eru meðal félaga í ensku úrvalsdeildinni sem hafa sýnt honum áhuga en þetta kemur fram á Sky Sports í Þýskalandi en mörg félög þar í landi hafa einnig áhuga á honum.
Larsson er tvítugur miðjumaður en hann hefur leikið 54 leiki fyrir Frankfurt, skorað fimm mörk og lagt upp þrjú.
Hann gekk til liðs við félagið frá Malmö síðasta sumar en hann skrifaði nýlega undir nýjan samning sem gildir út árið 2029 en ekkert riftunarákvæði er í samningnum.
Athugasemdir
