Þeir Nökkvi og Þorri skoruðu sitt hvort markið í leiknum.
Dalvík/Reynir 2-0 Sindri
1-0 Nökkvi Þeyr Þórisson ('70)
2-0 Þorri Mar Þórisson ('76)
1-0 Nökkvi Þeyr Þórisson ('70)
2-0 Þorri Mar Þórisson ('76)
Einn leikur var á dagskrá í 3. deild karla þar sem toppbaráttulið Dalvíkur/Reynis tók á móti botnliði Sindra.
Lið Sindra barðist hetjulega í leiknum og það var ekki fyrr en á 70. mínútu sem Dalvík/Reyni tókst að skora, þar var að verki Nökkvi Þeyr. Þorri Mar gerði svo út um leikinn sex mínútum síðar.
Dalvík/Reynir er á toppnum eftir leikinn með þremur stigum meira en KH. Sindri er á botninum, með sjö stig eftir 11. umferðir.
Hressandi atvik kom upp í leiknum þar sem leikmaður Dalvík/Reynis var tæklaður af aftasta varnarmanni Sindra en ekkert var dæmt. Sjúkraþjálfari Dalvíkur/Reynis var allt annað en sáttur við dóminn og ákvað að kíkja inn á völlinn og ræða við dómarann. Uppskar hann beint rautt spjald fyrir.
Frá þessu greinir blaðamaðurinn Jóhann Óli Eiðsson á Twitter.
Leikmaður D/R straujaður af aftasta varnarmanni Sindra. Liggur óvígur eftir. Ekkert dæmt. Sjúkraþjálfari mætir inn á og er rekinn út af með rautt fyrir að spyrja út í dóminn. Elskum ástríðuna. #fotboltinet
— Jóhann Óli Eiðsson (@jedissson) July 22, 2018
Athugasemdir
