Jörgensen fékk 63 mörk á sig í 36 deildarleikjum á sínu fyrsta deildartímabili á milli stanga Villarreal.
Chelsea er í leit að markverði til að auka samkeppnina um byrjunarliðsstöðu og hafa tveir skandinavískir leikmenn verið nefndir til sögunnar.
Annar þeirra er Filip Jörgensen, sem er hálfur Dani og halfur Svíi og leikur með Villarreal á Spáni.
Chelsea er í viðræðum við Jörgensen, sem er 22 ára, um samningsmál en ekki búist er við að Villarreal muni heimta sérlega háa upphæð fyrir.
Jörgensen var fenginn til Villarreal í fyrra en átti ekki sérlega gott fyrsta tímabil á milli stanga félagsins. Chelsea hefur þrátt fyrir það áhuga á honum.
Jörgensen er einn af nokkrum markvörðum sem eru undir smásjá Chelsea í sumar ásamt Mads Hermansen, dönskum markverði Leicester City.
Athugasemdir
