Valencia hefur mikinn áhuga á að kaupa brasilíska kantmanninn Samuel Lino sem er hjá félaginu á láni frá Atletico Madrid.
Miguel Angel Corona, yfirmaður fótboltamála hjá Valencia, segir að Atletico harðneiti að ræða um að selja leikmanninn.
Lino er 22 ára gamall og hefur skorað eitt mark í tíu fyrstu deildarleikjunum með Valencia. Hann var hjá Gil Vicente í Portúgal og skoraði 27 mörk í 95 leikjum þar til Atletico keypti hann í sumar.
„Samuel Lino? Atletico Madrid lítur á hann sem mikilvægan leikmann. Þeir vilja ekki einu sinni hugsa um að hefja viðræður við okkur um félagsskipti," sagði Corona.
Atletico borgaði aðeins 6,5 milljónir evra til að kaupa Lino í sumar.
Athugasemdir
