Southampton náði í jafntefli gegn toppliði Arsenal í ensku úrvalsdeildinni í dag.
Granit Xhaka kom Arsenal yfir í fyrri hálfleik en Stuart Armstrong jafnaði metin eftir rúmlega klukkutíma leik.
„Við sýndum hversu góðir við erum í síðari hálfleik. Við vorum heppnir að vera aðeins marki undir í fyrri hálfleik, á meðan maður er bara marki undir er maður enn inn í leiknum," sagði Ralph Hasenhuttl stjóri liðsins eftir leikinn.
Hasenhuttl hefði gjarnan viljað taka öll stigin.
„Svo sérðu hvað gerist þegar maður trúir og setur mikla ástríðu í þetta. Það var magnað að sjá viðsnúninginn og hugarfarið. Við vorum með þá í köðlunum í lokin. Við hefðum getað unnið en ég held að það hefði ekki verið sanngjarnt þó ég vil alltaf vinna en það hefði ekki verið sanngjarnt," sagði Hasenhuttl.
