Knattspyrnudeild Njarðvíkur er búið að semja við Maríu Rán Ágústsdóttur en hún er 16 ára gömul og fyrsta fótboltakonan til að vera samningsbundin Njarðvík sem leikmaður.
María Rán hefur verið mikilvægur hlekkur og fyrirmynd í uppgangi kvennaboltans í yngri flokkum Njarðvíkum þar sem iðkendafjöldinn hefur snarhækkað á örfáum árum og eru nú meira en 100 stelpur sem æfa hjá félaginu.
„Njarðvíkingar geta klárlega glaðst yfir þessum tíðindum að samið hefur verið við fyrstu knattspyrnukonuna, vonandi fyrstu af mörgum," segir meðal annars í færslu frá félaginu.
Það verður spennandi að fylgjast með stelpunum sem koma upp úr unglingastarfinu hjá Njarðvík næstu árin og munu mynda efnilegan meistaraflokk.
Athugasemdir
