Það fór fram ótrúlegur leikur í Flórens í gær þegar Fiorentina og Inter mættust í Serie A deildinni á Ítalíu.
Eftir brösuga byrjun hefur Inter verið að rétta mikið úr kútnum og var sigurinn í gær sá þriðji í röð í deildinni hjá liðinu.
Leikurinn var ótrúlegur þar sem Inter komst snemma í tveggja marka forystu en þeir fjólubláu svöruðu og jöfnuðu leikinn.
Lautaro Martinez skoraði tvö mörk í gær en hann hefur verið sjóðandi heitur í liði Inter að undanförnu. Argentínumaðurinn kom Inter yfir úr vítaspyrnu en Serbinn Luka Jovic hélt að hann væri að tryggja Fiorentina stig með flottu marki á lokamínútu leiksins.
Inter gerði sér lítið fyrir og fór í sókn og náði að klára leikinn í uppbótartíma með marki frá Henrikh Mkhitaryan en hann nýtti sér hörmuleg mistök í vörninni hjá heimamönnum.
Romelu Lukaku er að koma til baka eftir meiðsli og ætti hann að vera klár í leikinn mikilvæga í Meistaradeildinni í þessari viku en hann fagnaði sigrinum með færslu á Instagram sem og tyrkinn Hakan Calhanoglu.
Calhanoglu skrifaði til stuðningsmanna Inter: „Interisti, látið mig vita ef þið eruð enn á lífi" á Instagram eftir leik en það urðu algjörar senur eins og gefur að skilja hjá stuðningsmönnum Inter þegar liðið náði að koma til baka í þessari sjö marka veislu.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 28 | 18 | 7 | 3 | 63 | 27 | +36 | 61 |
| 2 | Napoli | 28 | 18 | 6 | 4 | 45 | 23 | +22 | 60 |
| 3 | Atalanta | 28 | 17 | 7 | 4 | 63 | 26 | +37 | 58 |
| 4 | Juventus | 28 | 13 | 13 | 2 | 45 | 25 | +20 | 52 |
| 5 | Lazio | 28 | 15 | 6 | 7 | 50 | 36 | +14 | 51 |
| 6 | Bologna | 28 | 13 | 11 | 4 | 44 | 34 | +10 | 50 |
| 7 | Roma | 28 | 13 | 7 | 8 | 43 | 30 | +13 | 46 |
| 8 | Fiorentina | 28 | 13 | 6 | 9 | 43 | 30 | +13 | 45 |
| 9 | Milan | 28 | 12 | 8 | 8 | 42 | 32 | +10 | 44 |
| 10 | Udinese | 28 | 11 | 7 | 10 | 35 | 38 | -3 | 40 |
| 11 | Torino | 28 | 8 | 11 | 9 | 33 | 34 | -1 | 35 |
| 12 | Genoa | 29 | 8 | 11 | 10 | 28 | 37 | -9 | 35 |
| 13 | Como | 28 | 7 | 8 | 13 | 34 | 44 | -10 | 29 |
| 14 | Cagliari | 28 | 6 | 8 | 14 | 28 | 43 | -15 | 26 |
| 15 | Verona | 28 | 8 | 2 | 18 | 28 | 58 | -30 | 26 |
| 16 | Lecce | 29 | 6 | 7 | 16 | 21 | 48 | -27 | 25 |
| 17 | Parma | 28 | 5 | 9 | 14 | 34 | 48 | -14 | 24 |
| 18 | Empoli | 28 | 4 | 10 | 14 | 23 | 45 | -22 | 22 |
| 19 | Venezia | 28 | 3 | 10 | 15 | 23 | 42 | -19 | 19 |
| 20 | Monza | 28 | 2 | 8 | 18 | 23 | 48 | -25 | 14 |
