Þeir Rúnar Már Sigurjónsson og Haukur Andri Haraldsson, leikmenn ÍA, fóru báðir meiddir af velli gegn Breiðabliki á mánudagskvöld.
Óvíst er hversu alvarleg meiðsli þeirra eru. Jón Þór Hauksson, þjálfari ÍA, segir við Fótbolta.net að Rúnar sé á leið í myndatöku vegna nárameiðsla og Haukur sé með bólginn ökkla eftir tæklingu í leiknum.
Óvíst er hversu alvarleg meiðsli þeirra eru. Jón Þór Hauksson, þjálfari ÍA, segir við Fótbolta.net að Rúnar sé á leið í myndatöku vegna nárameiðsla og Haukur sé með bólginn ökkla eftir tæklingu í leiknum.
Lestu um leikinn: Breiðablik 2 - 0 ÍA
„Þeir verða ekki með á æfingu í dag, svo sjáum við hvernig Haukur verður þegar bólgann hjaðnar. Það verður metið dag frá degi. Við sjáum svo hvað kemur út úr myndatökunni hjá Rúnari," segir Jón Þór.
Í síðasta leik var ÍA með Guðfinn Þór Leósson, Marko Vardic og Arnór Smárason á bekknum. Allt eru það miðjumenn sem gætu leyst þá Rúnar og Hauk af hólmi.
„Guðfinnur hefur stigið virkilega vel inn í þau verkefni sem hann hefur fengið í sumar, staðið sig virkilega vel þegar hann hefur komið inn í liðið."
„Við erum með stóran og öflugan hóp og leysum þau skakkaföll sem við verðum fyrir. Við höfum gert það gríðarlega vel í sumar. Við höfum lent í nokkrum skakkaföllum í sumar varðandi meiðsli, en ég hef verið mjög ánægður með hópinn því við höfum náð að leysa þau meiðslavandræði sem við höfum orðið fyrir. Ég á ekki von á öðru en að það sama verði upp á teningnum áfram."
ÍA á fjóra leiki eftir af tímabilinu og fer næsti leikur fram í Garðabæn á mánudagskvöld þar sem Stjarnan tekur á móti Skagamönnum. ÍA er í 5. sæti með 34 stig, fimm stigum frá Val í 3. sætinu sem er síðasta Evrópusætið.
Besta-deild karla - Efri hluti
Lið | L | U | J | T | Mörk | mun | Stig |
---|---|---|---|---|---|---|---|
1. Breiðablik | 23 | 16 | 4 | 3 | 55 - 28 | +27 | 52 |
2. Víkingur R. | 22 | 15 | 4 | 3 | 56 - 23 | +33 | 49 |
3. Valur | 23 | 11 | 6 | 6 | 55 - 35 | +20 | 39 |
4. Stjarnan | 23 | 10 | 5 | 8 | 42 - 37 | +5 | 35 |
5. ÍA | 23 | 10 | 4 | 9 | 41 - 33 | +8 | 34 |
6. FH | 22 | 9 | 6 | 7 | 39 - 38 | +1 | 33 |
Athugasemdir