Í pólsku úrvalsdeildinni er regla sem ýtir undir það að lið í deildinni spili ungum leikmönnum. Leikmenn sem eru yngri en 22 ára þurfa að spila alls 3000 mínútur á tímabilinu. Þau félög sem uppfylla ekki þann kvóta fá sekt.
Davið Kristján Ólafsson er leikmaður Cracovia í pólsku úrvalsdeildinni. Hann var keyptur til Póllands frá Kalmar fyrir rúmu hálfu ári síðan.
Davið Kristján Ólafsson er leikmaður Cracovia í pólsku úrvalsdeildinni. Hann var keyptur til Póllands frá Kalmar fyrir rúmu hálfu ári síðan.
Undirritaður tók eftir því um helgina að í annað skiptið á tímabilinu byrjaði Davíð á bekknum hjá sínu liði.
Pólski unglingalandsliðsmaðurinn Filip Rozga byrjaði í stöðu Davíðs í síðasta leik og hinn 21 árs Bartosz Biedrzycki byrjaði hinn leikinn þar sem Davíð var á bekknum.
Reglan er sniðug upp á það að gera að það er frekari hvati til þess að spila ungum leikmönnum. Það er hins vegar ekki jafn skemmtilegt að þurfa að vera á bekknum, en það er ekkert sem segir í hvaða stöðu ungu leikmennirnir þurfi að spila.
Sjö sinnum í níu leikjum hefur Davíð byrjað en í hin tvö skiptin hefur hann byrjað á bekknum. Annað skiptið var gegn Niepolomice um liðna helgi. Sá leikur vannst 1-2 á útivelli og kom sigurmark Cracovia eftir að Davíð kom inn á. Það hlýtur að vera hans markmið að gera sig það ómissandi að hann missi ekki stöðuna í byrjunarliðinu á kostnað ungs leikmanns.
Davíð er 29 ára vinstri bakvörður sem hefur skorað eitt mark og lagt upp eitt á þessu tímabili.
Cracovia er sem stendur í 2. sæti pólsku deildarinnar, þremur stigum á eftir toppliði Lech Poznan eftir níu umferðir. Cracovia endaði í 13. sæti í 18 liða deild á síðasta tímabili.
Athugasemdir