Það eru tveir leikir sem fara fram í efstu deild spænska boltans þar sem spútnik lið síðustu leiktíðar, Girona, tekur á móti Rayo Vallecano áður en Barcelona fær Getafe í heimsókn.

Girona hefur ekki farið sérlega vel af stað á nýju tímabili og er aðeins búið að næla sér í sjö stig eftir sex umferðir. Börsungar tróna aftur á móti á toppi deildarinnar með fullt hús stiga og geta endurheimt fjögurra stiga forystu með sigri í kvöld.

Rayo Vallecano hefur verið að spila góðan fótbolta á upphafi tímabils og gæti reynst erfið þraut fyrir Girona, á meðan Getafe er eitt af tveimur liðum deildarinnar sem á eftir að vinna leik á tímabilinu. Getafe hefur þó aðeins fengið fimm mörk á sig í fyrstu sex leikjunum, sem er jafn mikið og Barcelona.

Svo eru þrír leikir á dagskrá í ítalska bikarnum, þar sem Pisa og Cesena mætast í B-deildarslag áður en Udinese fær Salernitana í heimsókn.

Genoa og Sampdoria eigast svo við í hatrömmum nágrannaslag í kvöldleiknum sem gæti boðið upp á mikinn hita.

La Liga
17:00 Girona - Vallecano
19:00 Barcelona - Getafe

Ítalski bikarinn
14:00 Pisa - Cesena
16:30 Udinese - Salernitana
19:00 Genoa - Sampdoria