Guðjón Árni gæti verið á leið aftur í Keflavík.
Keflavík hefur áhuga á að fá Guðjón Árna Antoníusson og Hólmar Örn Rúnarsson ,,heim" frá FH.
Guðjón Árni og Hólmar Örn hafa báðir leikið lengst af á sínum ferli með Keflavík en þeir hafa spilað með Fimleikafélaginu undanfarin ár.
Guðjón Árni og Hólmar Örn hafa báðir leikið lengst af á sínum ferli með Keflavík en þeir hafa spilað með Fimleikafélaginu undanfarin ár.
,,Þeir eru að losna undan samning og eins og önnur félög þá horfum við á okkar menn í öðrum félögum og reynum að fá þá," sagði Kristján Guðmundsson þjálfari Keflavíkur við Fótbolta.net í dag en hann skrifaði sjálfur undir nýjan samning við félagið í dag sem gildir til ársins 2016.
Guðjón Árni var að ljúka sínu þriðja tímabili með FH en þessi 31 árs gamli bakvörður spilaði einungis sex leiki í sumar þar sem höfuðmeiðsli settu strik í reikninginn.
Hólmar Örn er 32 ára gamall miðjumaður en hann hefur spilað með FH undanfarin fjögur ár.
Hólmar Örn Rúnarsson.
Athugasemdir
