Paul Heckingbottom þjálfari Preston var svekktur eftir 0-3 tap á heimavelli gegn Aston Villa í 8-liða úrslitum enska bikarsins í dag.
Staðan var markalaus eftir nokkuð jafnan fyrri hálfleik, þar sem gestirnir frá Birmingham fengu fleiri færi, en Aston Villa skipti um gír í seinni hálfleik og gerði út um leikinn. Marcus Rashford skoraði tvennu á fimm mínútna kafla.
„Þessi fimm mínútna kafli eyðilagði fyrir okkur. Bang, bang og leikurinn er farinn. Fram að þessum kafla var ég mjög ánægður með frammistöðu liðsins. Þetta er mjög svekkjandi tap en ég er stoltur af öllum í kringum félagið fyrir að hafa komist svona langt í þessari keppni," sagði Heckingbottom.
„Þetta kveikir í áhuganum hjá fólki, Ég myndi elska að sjá svipaða stemningu oftar á Deepdale (heimavelli Preston)."
Stefán Teitur Þórðarson var í byrjunarliði Preston og átti fínan leik þrátt fyrir að klúðra góðu færi.
Athugasemdir
