Tommy Stroot, þjálfari kvennaliðs Wolfsburg, hefur sagt upp störfum hjá félaginu í kjölfar þess að liðið féll úr leik í átta liða úrslitum Meistaradeildarinnar eftir tap gegn Barcelona, samanlagt 10-2.
Íslenska landsliðskonan Sveindís Jane Jónsdóttir er leikmaður liðsins en hún hefur verið ósátt við skort á tækifærum undir stjórn Stroot.
Hún hefur komið við sögu í 27 leikjum á tímabilinu og hefur þurft að sætta sig við mikla bekkjarsetu. Hún hefur skorað sjö mörk.
Vonandi fær hún stærra hlutverk hjá nýjum þjálfara en félagið mun tilkynna nýjan þjálfara á næstunni.
Wolfsburg er í 3. sæti þýsku deildarinnar með 41 stig eftir 18 umferðir, sex stigum á eftir toppliði Bayern.
Athugasemdir
