Þjálfari 1. umferðar er Arnar Gunnlaugsson sem mætti með beint bak á heimavöll Íslandsmeistarana og var sennilega vonsvikinn að fara aðeins heim með eitt stig eftir að hafa þrívegis komist yfir í leiknum. Hann getur þakkað varamanninum, Loga Tómassyni fyrir sitt framlag í leiknum en Logi skoraði stórbrotið mark og lagði upp annað. Auk þess var Júlíus Magnússon öflugur á miðjunni hjá Víkingum.



Með Loga í vörninni í liði umferðarinnar eru þeir Daði Ólafsson og Marcus Johanson sem stimplar sig vel inn í Pepsi Max-deildina en hann gekki í raðir ÍA frá Silkeborg í vetur. Marcus er uppalinn hjá Halmstad í Svíþjóð.

Fyrir aftan vörnina er Beitir Ólafsson í rammanum en KR gerði 1-1 jafntefli gegn Stjörnunni þar sem bæði mörk leiksins komu úr vítaspyrnu.

Á miðjunni með Júlíusi eru reynsluboltarnir, Eyjólfur Héðinsson og Sam Hewson sem skoraði gott mark fyrir sitt nýja lið Fylki í 3-0 útisigri á ÍBV.

Í framlínunni eru síðan tveir leikmenn fyrrum leikmenn Halmstad í Svíþjóð. Höskuldur Gunnlaugsson gekk á dögunum í raðir Breiðabliks frá Halmstad á láni og þá kom Tryggvi Hrafn Haraldsson heim á Skagann eftir dvöl í Svíþjóð.

Með þeim félögum í framlínunni eru þeir Aron Bjarnason og Jónatan Ingi Jónsson leikmaður FH.

Fyrsta umferð Pepsi Max gerð upp í Innkastinu #fotboltinet https://t.co/JxELqXI1qu

— Fótbolti.net (@Fotboltinet) April 29, 2019