Hákon hafði ekki skorað fyrir FCK á tímabilinu, hvorki í dönsku deildinni, né Meistaradeildinni.

Það var svo í lokaumferð Meistaradeildarinnar sem hann gerði jöfnunarmark FCK gegn Borussia Dortmund á Parken og varð þá um leið fjórði Íslendingurinn til að skora í keppninni.

Hann hefur beðið lengi eftir fyrsta markinu og segir það sætt að það hafi komið í kvöld.

„Þetta var góð tilfinning, verð ég nú að segja, því þetta var fyrsta mark mitt í Meistaradeildinni, stærstu keppni heims. Það var alveg nógu klikkað.

„Ég hafði ekki skorað á tímabilinu, þannig þetta var alveg extra góð tilfinning. Þegar liðið spilar vel þá spila ég vel,“ sagði Hákon við TV3.