Martinelli, sem er 21 árs gamall, kom til Arsenal frá Ituano fyrir þremur árum og hefur verið einn af lykilmönnum enska liðsins síðan.

Hann hefur komið að sjö mörkum í sautján leikjum með Arsenal á þessu tímabili en liðið er á toppnum í ensku úrvalsdeildinni sem stendur.

Samningur hans við Arsenal rennur út árið 2024 en hann er meira en klár í að framlengja þann samning.

„Ég er mjög ánægður hjá Arsenal og hef sagt það mörgum sinnum,“ sagði Martinelli.

„Þetta er félagið mitt og ég elska að vera hérna. Ég elska borgina, félagið og allt við Arsenal. Ég vil vera áfram og er mjög ánægður. Arsenal þarf bara að ná í pennann,“ sagði hann ennfremur.