Það er búist við því að hin 26 ára gamla Miedema muni snúa aftur eftir landsleikjahlé en hún fær líka að hvíla í því þar sem hún var ekki valin í landsliðshóp Hollands fyrir leiki gegn Kosta Ríku og Danmörku 11. og 15. nóvember næstkomandi.

Arsenal segir að Miedema fái gott frí til þess að slaka aðeins á og hlaða batteríin. Hún missir af leik gegn Leicester.

Það hefur verið mikið að gera hjá Miedema upp á síðkastið. Hún fékk lítið sumarfrí þar sem hún var í lykilhlutverki hjá Hollandi á Evrópumótinu.

Miedema er einn besti sóknarmaður í heimi en hún hefur farið erfiðlega af stað í ensku úrvalsdeildinni á þessari leiktíð og aðeins skorað tvö mörk. Hún fær núna tíma til að hvíla sig og koma sér aftur í sitt besta form.