Neville og Ronaldo voru liðsfélagar hjá Man Utd áður en Ronaldo fór til Real Madrid og hefur Neville alltaf haft miklar mætur á honum, enda einn af bestu fótboltamönnum sögunnar.

Undanfarið hefur Neville hins vegar verið afar gagnrýninn á hegðun Ronaldo og talaði fyrir því að best væri fyrir Man Utd að losa sig við portúgölsku stórstjörnuna sem fyrst. Ronaldo tók ekkert sérlega vel í það og neitaði að heilsa Neville.

Rio Ferdinand, sem spilaði með Neville og Ronaldo hjá United, telur að þetta hafi verið planað hjá Portúgalanum og að Neville sé ekki á jólakortalistanum hjá Ronaldo.

„Cristiano virti Gary sem leikmann en hann tekur því ekki vel þegar einhver talar illa um hann," sagði Ferdinand.

„Ég þekki Cristiano og ég veit að hann mun ekki taka við símtali frá Gary á næstunni."

Það er greinilegt að Ronaldo fylgist vel með umræðunni í kringum sig.