Hampton var ein tveggja varamarkvarða Englands þegar liðið fór alla leið á EM í sumar.

Hún hefur hins vegar ekki verið í hópnum síðan þá og fjallar Guardian um það að ólíklegt sé að hún verði valin aftur í hópinn á meðan Sarina Wiegman er enn þjálfari liðsins.

Wiegman er ósátt við hugarfar hennar og hegðun, og heldur áfram að velja hana ekki.

Það virðist vera sama vandamál hjá landsliði og félagsliði hjá þessum unga markverði. Hún spilaði ekki síðasta leik hjá Aston Villa og var henni sagt að halda sig heima, fjarri hópnum. Hún mætti samt sem áður á völlinn, óhlýðnaðist fyrirmælum þjálfarans.

Hampton, sem er 21 árs, á að baki tvo A-landsleiki fyrir England.