Viktor Gyökeres
Maðurinn sem allir voru að tala um þegar Amorim tók við United. Svíinn hjá Sporting Lissabon er einn eftirsóttasti sóknarmaður Evrópu í dag.

Benjamin Sesko
Þróun Slóvenans hefur haldið áfram hjá RB Leipzig í Þýskalandi. Hefur oft verið orðaður við enska boltann og er sagður á óskalista Arsenal.

Danny Welbeck
Leikmaður sem United hefði vel viljað hafa í sínum röðum í dag. Uppalinn hjá United og hefur skorað átta mörk fyrir Brighton á þessu tímabili.

Matheus Cunha
Heldur áfram að leika listir sínar með Úlfunum og skorar gegn öflugum liðum. Er með 62 milljóna punda riftunarákvæði í nýjum samningi sínum.

Jonathan David
Skorað 21 mark fyrir Lille á tímabilinu, þar á meðal gegn Liverpool í Meistaradeildinni. Mjög eftirsóttur og verður samningslaus í sumar.

Victor Osimhen
Nígeríumaðurinn kann svo sannarlega að skora og heldur áfram að raða inn fyrir Galatasaray á lánssamningi. Yrði ekki ódýr en á ekki framtíð hjá Napoli.

Liam Delap
Hefur sýnt það með Ipswich að hann getur staðið sig í ensku úrvalsdeildinni. Sterkur, kraftmikill og beinskeyttur.

Alexander Isak
Hefur átt frábært tímabil með Newcastle sem setur risaverðmiða á hann, yfir 100 milljónir punda.

Bryan Mbeumo
Hefur verið orðaður við Manchester United. Orðinn aðalmaðurinn hjá Brentford og skorað fimmtán deildarmörk á þessu tímabili.

Harry Kane
Er á öðru tímabili hjá Bayern München og er nálægt því að ná í titilinn sem hann þráir. Gæti hann haldið aftur til Englands og elt metin sem hann er nálægt.