Það er áhugaverður leikur framundan í enska bikarnum klukkan 17:45 þar sem Plymouth heimsækir Man City.
Eins og búast mátti við gerir Pep Guardiola miklar breytingar á liðinu sem vann Tottenham í síðasta deildarleik. Enginn sem byrjaði þann leik byrjar í kvöld.
Það er þó mikil reynsla í liðinu en Kevin De Bruyne ber fyrirliðabandið. Þá eru Phil Foden, Bernardo Silva og Jack Grealish einnig í byrjunarliðinu en sá síðarnefndi hefur verið að kljást við meiðsli.
Guardiola geymir ansi sterka leikmenn á bekknum. Guðlaugur Victor Pálsson er á bekknum hjá Plymouth en Ryan Hardie sem tryggði liðinu sigur gegn Liverpool í síðustu umferð er fjarverandi vegna meiðsla.
Man City: Ortega Moreno, Lewis, Reis, Ake, O’Reilly, Gundogan, De Bruyne (C), McAtee, Bernardo, Grealish, Foden
Varamenn: Ederson, Dias, Marmoush, Haaland, Doku, Nico, Gvardiol, Savinho, Nunes
Plymouth: Hazard, Mumba, Ogbeta, Pleguezuelo, Wright, Bundu, Gyabi, Boateng, Katic, Sorinola, Talovierov.
Varamenn: Grimshaw, Houghton, Szucs, Edwards, Puchacz, Al Hajj, Baidoo, Roberts, Palsson.
Athugasemdir
