Kristian Nökkvi Hlynsson átti frábæran leik þegar Sparta Rotterdam lagði Willem II í hollensku deildinni í dag. Kristian var í byrjunarliði Sparta og Rúnar Þór Sigurgeirsson var í byrjunarliði Willem II
Kristian lagði upp annað mark Sparta þegar hann skallaði boltann til Mitchell van Bergen sem tók sprettinn inn á teiginn frá hægri kantinum og skoraði af stuttu færi.
Kristian innsiglaði síðan 4-0 sigur Sparta þegar hann skoraði með laglegu skoti rétt fyrir utan vítateiginn.
Nökkvi Þeyr Þórisson er á láni hjá Sparta frá St. Louis City í MLS deildinni. Hann kom inn á þegar stundafjórðungur var til loka venjulegs leiktíma. Þetta var fimmti leikurinn hans í hollensku deildinni, honum hefur ekki tekist að skora til þessa.
Sparta er í 16. sæti sem er umspilssæti um að halda sæti sínu í deildinni en Willem II er aðeins stigi á undan.
Kristian Hlynsson haalt verwoestend uit! ??????#spawil
— ESPN NL (@ESPNnl) March 2, 2025
Athugasemdir
