Joao Felix, leikmaður Milan, hefur verið harðlega gagnrýndur í ítölskum fjölmiðlum eftir tap liðsins gegn Bologna í vikunni.
Felix er á láni frá Chelsea en hann skoraði í fyrsta leiknum fyrir Milan. Hann var hins vegar harðlega gagnrýndur eftir frammistöðu sína gegn Bologna.
„Sá versti á vellinum. Hann er ósjáanlegur, meira að segja samherjar hans forðast hann," segir í umfjöllun Corriere della Sera en miðillinn gaf honum 4.5 í einkunn fyrir frammistöðu sína.
„Það er allt að fara á versta veg hjá Milan. Joao Felix er eins fallegur og hann er ónothæfur," skrifaði fréttaritarinn Fabio Ravezzani á X.
Felix hefur áður tjáð sig um að vilja vera áfram hjá MIlan eftir að lánssamningi hans lýkur eftir tímabilið.
Athugasemdir
