Rasmus Höjlund, framherji Manchester United, hefur átt erfitt uppdráttar á þessu tímabili og sýnir tölfræðin að hann hefur átt færri tilraunir en leikmenn á borð við Casemiro og Virgil van Dijk.
Daninn hefur aðeins skorað tvö mörk fyrir United í 22 leikjum á þessu tímabili.
Fáar skottilraunir útskýra það ágætlega af hverju hann hefur skorað fá mörk en hann hefur aðeins átt þrettán tilraunir. Blokkeruð skot eru ekki tekin með inn í dæmið.
Ruben Amorim, stjóri United, hefur talað um hvað liðið hefur verið slakt í að skapa færi, en Bruno Fernandes, fyrirliði liðsins, er með flestar skottilraunir í liðinu eða 44 talsins.
Mohamed Salah, markahæsti maður deildarinnar, leiðir töfluna með 84 tilraunir og þá eru þeir Ollie Watkins, Raul Jimenez og Nicolas Jackson allir með 50 tilraunir.
Leikmenn á borð við Virgil van Dijk, Wilfred Ndidi, Casemiro og Fabian Schär eru allir með fleiri tilraunir en Höjlund á þessu tímabili. Van Dijk og Ndidi eru með 17 tilraunir en þeir Casemiro og Schär báðir með 16.
Þessir leikmenn spila aðallega sem varnarsinnaðir miðjumenn eða í miðverði.
Sjálfstraust Höjlund er í sögulegu lágmarki og sést það einnig á líkamstjáningu hans í leikjum. Hlutirnir eru einfaldlega ekki að ganga upp og spurning hvað United mun gera við hann í sumarglugganum.
Amorim mun sækja framherja í glugganum en sænski leikmaðurinn Viktor Gyökeres hefur verið sterklega orðaður við félagið. Hann hefur raðað inn mörkum með Sporting Lisbon, fyrrum félagi Amorim.
???? Losing his aerial duels
— Nathan Salt (@NathSalt1) February 28, 2025
???? Ranks 158TH for shots taken in the PL this season - behind Casemiro and Lisandro Martinez
???? Sympathy from staff that he’s carrying all the responsibility
A piece on Rasmus Højlund and his struggles as #mufc No 9https://t.co/FdaPcewqet
Athugasemdir
