Benoný Breki fagnar sigurmarkinu
Benoný Breki Andrésson er byrjaður að raða inn mörkum á Englandi en hann skoraði bæði mörk Stockport County sem vann Blackpool, 2-1, í ensku C-deildinni í gær.
Í byrjun árs samdi Benoný við Stockport County eftir að hafa klárað síðasta tímabil sem markahæsti leikmaður Bestu deildarinnar.
Hann setti um leið markamet í efstu deild, met sem margir hafa reynt að fella, en metið setti hann í lokaumferðinni í 7-0 stórsigri KR á HK.
Benoný hefur verið að aðlagast umhverfinu á Englandi en hann fékk loks tækifæri til að láta ljós sitt skína. Hann jafnaði metin strax í upphafi síðari hálfleiks með góðu skoti og gerði síðan sigurmarkið þegar tíu mínútur voru til leiksloka.
„Augnablik sem hann mun aldrei gleyma,“ skrifaði Stockport á heimasvæði sínu á X.
A winner at the Cheadle End ????
— Stockport County (@StockportCounty) March 1, 2025
A moment he'll never forget ????#StockportCounty pic.twitter.com/0twR5dF6ZQ
Athugasemdir
