„Ég hlakka til að vinna með hæfileikaríkum leikmönnum og öflugu starfsteymi að þróa lið sem heldur áfram þeirri hefð að ná árangri og gera stuðningsfólkið stolt."

Maresca stýrði Leicester til sigurs í ensku B-deildinni á nýafstaðinni leiktíð en það var annað starf hans sem aðalþjálfari.

Áður þjálfaði hann Parma á Ítalíu og var þá einnig aðstoðarmaður Pep Guardiola hjá Manchester City.

Willy Caballero, Danny Walker, Michele De Bernardin, Marcos Alvarez, Javier Molina Caballero og Roberto Vitiello verða í þjálfarateymi Maresca.

Chelsea hafnaði í sjötta sæti ensku úrvalsdeildarinnar á nýafstöðnu tímabili.