Kroos hefur átt stórkostlegan feril.
Þýski miðjumaðurinn Toni Kroos leggur fótboltaskóna á hilluna eftir Evrópumótið og það gæti gerst strax á föstudaginn. Þýskaland á erfiðan leik fyrir höndum gegn Spáni í 8-liða úrslitum.
„Ég tel að við höfum það sem þarf til að slá Spánverja úr leik," segir Kroos sem var spurður að því hvernig tilhugsun það væri að ferli hans gæti lokið á föstudag?
„Ég tel að við höfum það sem þarf til að slá Spánverja úr leik," segir Kroos sem var spurður að því hvernig tilhugsun það væri að ferli hans gæti lokið á föstudag?
„Auðvitað er ég meðvitaður um að það geti gerst en það truflar mig ekki. Það drífur mig áfram að koma í veg fyrir að þetta verði minn síðasti leikur."
„Þetta var mín ákvörðun og ég vil komast í úrslitaleikinn. Ég verð ánægður án fótboltans en ég vonast þó eftir að ferillinn klárist ekki á föstudag."
Þessi 34 ára miðjumaður hefur unnið allt sem hægt er í boltanum, fyrir utan Evrópumeistaratitilinn.
Athugasemdir
