Stjarnan mætti Víkingum í undanúrslitum Mjólkurbikarsins fyrr í kvöld. Leikar enduðu 1-1 eftir venjulegan leiktíma og framlengingu og þurfti vítaspyrnukeppni til að skilja liðin að en þar höfðu Víkingar betur. Jökull Elísabetarson þjálfari Stjörnunnar mætti í viðtal eftir leik.
Lestu um leikinn: Víkingur R. 6 - 5 Stjarnan
„Þetta var skemmtilegt að mörgu leiti. Liðið frábært og massívt og unnum vel fyrir því að komast í vító og þar er bara eitt klikk og það er bara þannig. Leiðinlegt að detta út úr þessu. Við höfðum mikla trú á þessu."
„Þetta var ekki fullkominn leikur en mikil liðsframmistaða. Unnum fyrir hvorn annan, vorum þéttari og agressívari, virkilega ánægður með frammistöðuna."
Rosenörn var í marki Stjörnunnar
„Mjög ánægður með hann ég er ánægður með hann á öllum æfingum. Alltaf þegar hann kemur inn þá er hann frábær. Það er ekkert auðvelt fyrir hann að halda haus og vera með sjálfstraust þegar hann spilar svona lítið."
Viðtalið má sjá í heild sinni í spilaranum hér að ofan.
Athugasemdir
