Víkingur mætti Stjörnunni í undanúrslitum Mjólkurbikarsins fyrr í kvöld. Leikar enduðu 1-1 eftir venjulegan leiktíma og framlengingu en Víkingar höfðu betur eftir vítaspyrnukeppni og þar með tryggðu sér í úrslitaleik gegn KA.
Arnar Gunnlaugsson þjálfari Víkinga kom í viðtal eftir leik.
Arnar Gunnlaugsson þjálfari Víkinga kom í viðtal eftir leik.
Lestu um leikinn: Víkingur R. 6 - 5 Stjarnan
„Ég verð lengi að ná mér niður núna. Þetta var ótrúlegt hvernig við náðum þessari orku í framlengingunni. Af því þetta var þokkalega kjaftshöggið að fá mark á sig rétt fyrir leikslok."
„Frábærir í framlengingunni óheppnir að skora ekki þar. Svo fer þetta í vítakeppni og þá getur eins kastað tening.
Þetta var ótrúleg dramatík, ótrúlegur sigur og sýnir við erum ekki tilbúnir að láta þennan bikar af hendi strax."
Víkingur hefur unnið Mjólkurbikarinn fjórum sinnum í röð
„Það kemur að því að við töpum, það er alveg klárt mál. En ekki strax, við erum ekki tilbúnir til þess."
Víkingur mætir KA í úrslitum líkt og í fyrra
„Þeir verða skeinuhættir enda með gott lið, taflan lýgur aðeins. Við erum komnir á Laugardalsvöllinn enn og aftur, einn af betri dögum í mínu lífi þessir úrslitaleikir."
Viðtalið má sjá í heild sinni í spilaranum hér að ofan.
Athugasemdir