„Að gera þetta í annað skipti með nýtt lið er ótrúlegt. Ég held að hún sé vel að þessu komin," sagði Helena Ólafsdóttir, fyrrum landsliðsþjálfari, í Heimavellinum þegar tilkynnt var um val á þjálfara ársins fyrir árið 2022.
Þjálfari ársins að mati fylgjenda Heimavallarins er Sarina Wiegman, landsliðsþjálfari Englands. Hún stýrði Englendingum til sigurs á Evrópumótinu síðasta sumar eftir að hafa stýrt Hollandi til sigurs á EM árið 2017.
„Mér fannst skemmtilegt að fara yfir þetta því í gegnum árin höfum við nánast eingöngu verið að fá tilnefningar frá Íslandi. Það var mjög mikið af tilnefningum utan úr heimi í þetta skiptið og það sýnir okkur hvað við erum farin að fylgjast betur með, og hvað sviðið er að stækka," sagði Mist Rúnarsdóttir í þættinum.
Einnig kom fram að Kristján Guðmundsson, þjálfari Stjörnunnar, og Pétur Pétursson, þjálfari Vals, hefðu fengið margar tilnefningar í þessu vali.
Hægt er að hlusta á allan þáttinn hér fyrir neðan.
Athugasemdir
