Hugmyndasnauðir Spánverjar eru úr leik á HM eftir tap gegn Marokkó í 16-liða úrslitum eftir vítakeppni.
Spænska þjóðin er allt annað en ánægð með þessa niðurstöðu og þjálfarinn Luis Enrique var spurður að því eftir leik hvort hann myndi segja af sér.
Spænska þjóðin er allt annað en ánægð með þessa niðurstöðu og þjálfarinn Luis Enrique var spurður að því eftir leik hvort hann myndi segja af sér.
„Nú er ekki rétti tímapunkturinn til að ræða mína framtíð. Ég vil byrja á því að hitta fjölskyldu mína og hundana mína og vera til staðar fyrir þau," segir Enrique.
„Í næstu viku, þegar forseti spænska sambandsins telur rétta tímapunktinn, þá ræðum við málin. Ég er ekki að hugsa um framtíðina núna. Við verðum að kyngja þessum vonbrigðum fyrst."
Spánn klúðraði öllum þremur vítum sínum í vítakeppninni og Enrique tók sökina á sig sjálfan.
„Ábyrgðin er mín því ég vel fyrstu þrjá spyrnumennina. Ég taldi þá vera vítasérfræðinga. Liðið valdi hina spyrnumennina en við náðum ekki að taka fjórðu spyrnuna. Bono markvörður þeirra er mikill vítabani."
Athugasemdir
