Aco Pandurevic framlengir við Kormák/Hvöt (Staðfest)

Aco er 41 árs gamall en hann á að baki 166 leiki í meistaraflokki á Íslandi og flestir af þeim eru með Ægi á Þorlákshöfn. Hann var á Þorlákshöfn frá árinu 2011 til 2021.

Hann er að stíga sín fyrstu skref í þjálfun en Kormákur/Hvöt réði hann sem þjálfara liðsins í byrjun þessa árs. Hann stýrði liðinu í 3. deildinni í sumar og þar endaði Kormákur/Hvöt í níunda sæti deildarinnar, þremur stigum frá fallsæti.

Liðið mun því áfram spila í 3. deildinni að ári en samningur Aco gildir út næsta tímabil.

„Sem fyrr er það stefna meistaraflokksráðs að byggja liðið á sterkum heimamönnum með gæfuríkri blöndu af erlendum hæfileikamönnum. Nú þegar er vinna við að móta leikmannahópinn farin af stað og eru væntingar fyrir sumarið 2023 miklar í Húnaþingum báðum,“ segir á Feykir.is