Giacomo Raspadori skoraði tvö
Toppliðið á Ítalíu, Napoli, vann góðan 3-1 sigur á Crystal Palace í æfingaleik í Tyrklandi í dag.
Wilfried Zaha skoraði fyrsta mark leiksins þegar hálftími var búinn af leiknum en Victor Osimhen jafnaði með glæsimarki stuttu síðar.
Í þeim síðari tók svo Giacomo Raspadori málin í sínar hendur og skoraði tvö til að tryggja Napoli sigurinn.
Raspadori er heitur þessa dagana en hann skoraði tvö og lagði upp eitt í 3-2 sigri á Antalyaspor í æfingaleik á dögunum.
Fyrsti leikur Napoli eftir HM er ekki fyrr en 4. janúar en þá mætir liðið Inter.Crystal Palace spilar gegn Real Valladolid í vináttuleik á föstudag og er það síðasti æfingaleikurinn áður en það spilar við Fulham á annan í jólum.
Athugasemdir
