Cristiano Ronaldo lék sinn síðasta leik á heimsmeistaramóti á ferlinum í gær þegar liðið féll úr leik gegn Marokkó.
Mikið hefur gengið á í lífi hans undanfarið en samningi hans við Man Utd var rift og svo missti hann sætið sitt í liði Portúgals á miðju móti.
„Að vinna HM með Portúgal var minn stærsti draumur á ferlinum. Til allrar hamingju vann ég marga titla á alþjóða vettvangi, meðal annars með Portúgal, en að setja nafn þjóðarinnar á stærsta svið heimsins var stærsti draumurinn," skrifar Ronaldo.
„Ég barðist fyrir því. Ég lagði hart að mér til að uppfylla drauminn á þessum fimm heimsmeistaramótum sem ég skoraði á á 16 árum, við hlið frábærra leikmanna og studdur af milljónum Portúgala. Ég gaf allt í þetta, skildi allt eftir á vellinum, gafst aldrei upp."
Það er ljóst að þetta var hans síðasti séns að ná í þann stóra.
„Því miður var draumurinn úti í gær. Það er ekki þess virði að ræða hitamál, ég vil bara að þið vitið að margt hefur verið sagt, margt skrifað og margar vangaveltur en metnaðurinn minn í garð Portúgal breyttist aldrei. Ég barðist alltaf fyrir markmiðinu og ég myndi aldrei snúa baki við samstarfsmönnum og þjóðinni," skrifar Ronaldo.
