Harry Kane í vináttulandsleiknum gegn Íslandi fyrir mót.
Harry Kane sóknarmaður Englands hefur ekki sýnt sínar bestu hliðar á Evrópumótinu og einhverjir hafa kallað eftir því að hann sé settur á varamannabekkinn.
Spænski íþróttafréttamaðurinn Guillem Balague gerir grín að þessari umræðu og segist sem stuðningsmaður spænska landsliðsins vera meira en til í að sjá Kane settan á bekkinn.
Spænski íþróttafréttamaðurinn Guillem Balague gerir grín að þessari umræðu og segist sem stuðningsmaður spænska landsliðsins vera meira en til í að sjá Kane settan á bekkinn.
„Endilega setjið hann á bekkinn, takk fyrir! Hann er ekki bara reynslumikill heldur gríðarlega mikilvægur í spili Englands. Hann er kominn með þrjú mörk, fleiri en nokkur annar á mótinu," segir Balague.
„Skyndilega er komið meira flæði í spilamennsku Englands. Menn eru farnir að ná betur saman og tala sama tungumálið. Svo hvað finnst mér? Auðvitað á að setja Harry Kane á bekkinn."
Athugasemdir
