Kristín Dís Árnadóttir hefur skrifað undir nýjan samning við Íslandsmeistara Breiðabliks eftir að hafa snúið aftur til félagsins í fyrra.
Kristín Dís er 25 ára gömul og er uppalin hjá Blikum en lék fyrir Bröndby í þrjú ár í efstu deild danska boltans.
Kristín varð Íslandsmeistari með Blikum í fyrra og var það í þriðja skipti sem hún náði því afreki með uppeldisfélaginu.
Hún á í heildina 93 leiki að baki í efstu deild með Blikum og hefur hún einnig leikið fyrir Fylki á lánssamningi, auk þess að eiga leiki að baki fyrir Augnablik.
Athugasemdir
