Chivu með eiginkonu sinni á verðlaunaafhendingu FIFA: The Best 2019.
Parma er í fallbaráttu í Serie A, efstu deild ítalska boltans, og rak þjálfarann sinn Fabio Pecchia á dögunum.
Rúmeninn Christian Chivu hefur verið ráðinn í hans stað og er talið að hann geri eins og hálfs árs samning, sem gildir út næstu leiktíð.
Chivu er 44 ára gamall og verður þetta hans fyrsta starf sem aðalþjálfari, eftir að hafa starfað hjá Inter í sex ár. Þar þjálfaði hann unglingaliðin við góðan orðstír.
Chivu þekkir gríðarlega vel til í ítalska boltanum eftir að hafa leikið fyrir bæði Roma og Inter á ferli sínum sem atvinnumaður í fótbolta.
Parma er í fallsæti í ítölsku deildinni sem stendur, með 20 stig eftir 25 umferðir. Liðið er þó aðeins einu stigi frá öruggu sæti í deildinni.
Pen ?? Paper pic.twitter.com/bUhFB7M0bM
— Parma Calcio 1913 (@ParmaCalcio_en) February 18, 2025
Athugasemdir
