Það fóru sex leikir fram í Meistaradeild Asíu í dag þar sem lærisveinar Milos Milojevic í liði Al-Wasl tóku á móti stórveldi Al-Hilal.
Marcos Leonardo og Salem Al-Dawsari skoruðu mörkin í 0-2 sigri Al-Hilal, sem var með leikmenn á borð við Joao Cancelo, Kalidou Koulibaly og Sergej Milinkovic-Savic í byrjunarliðinu.
Lærlingar Milos komast upp úr deildakeppninni þrátt fyrir tap í dag, þar sem þeir enda með 11 stig eftir 8 umferðir - í fimmta sæti af tólf. Al-Hilal deilir toppsætinu með Al-Ahli þar sem bæði lið enda með 22 stig.
Þá tapaði japanska stórveldið Vissel Kobe gegn Shanghai Shenhua er liðin mættust í Kína. Sigurinn fleytir Shanghai áfram í næstu umferð en Vissel var löngu búið að tryggja sig áfram.
Öll liðin frá Sádi-Arabíu komast áfram í næstu umferð, en Al-Gharafa er meðal liða sem fer ekki í útsláttarkeppnina. Aron Einar Gunnarsson, Joselu og Rodrigo Moreno eru meðal leikmanna liðsins.
Al-Wasl 0 - 2 Al-Hilal
Shanghai Shenhua 4 - 2 Vissel Kobe
Kawasaki Frontale 2 - 0 Central Coast Mariners
Gwangju FC 2 - 2 Buriram
Johor DT 5 - 2 Pohang
Al-Rayyan 0 - 2 Esteghlal
Athugasemdir
